جرب متبصش في محفظتك و قيس الخروجة بالكواليتي بتاعها مش بالصرف
يعني ايه الكلام ده
يعني انزل مع الحد اللي تفتح شنطة العربية و تقعدوا فيها بكبايتين شاي و سجارتين و تتكلموا ساعات طويلة متزهقوش
اقعدوا ع النيل في مكان تقدروا تنزلوا رجليكوا في مية
شوفوا ڤيو ينفع تفضلوا قاعدين قدامه بالعربيات متنزلوش منها
شوفوا أماكن مفتوحة واسعة من اللي التذكرة فيها متعديش ال ٤٠ جنيه
أدخلوا مول إعملوا
Window shopping
و خدوا من طاقة الوفرة و جيبوا اتنين آيس كريم و روحوا
اتكلموا
اتكلموا كتيييييييير
احضروا مسرحية أو عرض من اللي التذكرة فيه ب ٣٠ جنيه
أقعدوا في قعدة فيها حد بيعزف أي حاجة و غنوا سوا
لو سمعتوا أغنية حلوة جربوا تقوموا ترقصوا عليها
لو الطريق سالك و البنزين
Full
روحوا مكان فيه بحر صد رد اشربوا كبايتين شاي و إرجعوا
سيبوا نفسكوا في الخروجات و اكتشفوها
إتحركوا زي العيال الصغيرة بدون تخطيط ولا تركيز مع الظروف و الناس و معاك كام و مين بيبص علينا
مساء الفل