شوفي مش انا ست بتقبل التعدد آهو ! 

لا عمر حد هددني بيه على سبيل الهزار ولا عمري قبلت حد يهددني بيه من الأساس لا في ارتباط ولا في جواز 

و ده لأسباب كتير أولها ان التعدد مش فزاعة تستخدمها ضدي 

ثانيها انك تآخدها هزار معناها انت نفسك مش مقتنع بيه 

تالتها ان حتى لو مقتنع بيه و متقصدش تخليه فزاعة فأنا عارفة انك متقدرلوش 

رابعها اني مش حد هتآخد منه الإذن في حالة قررت تعمله 

خامسها اني محبش حد يقارنني بحد في حالة فاكرني هتأثر

سادسها ان عمري ما هعمل حاجة في علاقة عاطفية تحت ضغط 

اذاً هو مش موضع كلام بيني و بين راجل انا مرتبطة بيه ولا حتى متجوزاه 

متجوزة راجل ناضج كبير و فاهم اللي بيعمله و بيقوله يبقى اللغة دي متكونش بينكوا تحت أي ظرف ! 

و ميفتحش معاكي الموضوع غير لو بيتقدم لواحدة و بيبلغك ع النظام الجديد في حياتكوا و بيطمنك لحقوقك 

قبل الكلام ده ميخصكيش

ببساطة