بضايق جدا لما بسمع شيخ بيقول للناس :حافظ على الصلاة وهتشوف العجب ! اقرأ السورة أو الدعاء الفلاني والدنيا هتتشقلب معاك رأسا على عقب ! أو حافظ على صيغة الصلاة على النبي دي وهيتحول في إيدك التراب لدهب ! أكيد المشايخ قصدها خير، ونيتها كويسة ،وعوزه تشجع الناس على على الصلاةوقراءة القرآن، والأذكار، ولكن للأسف ده أمر غاية في الخطورة! لأن لو متحققش اللي عم الشيخ قاله؛ الناس بيحصلها شك في الدين ،وضعف في اليقين ، وإحساس بأن لا قيمة للصلاة والقرآن والدعاء ! وبعدين الناس تسيب الصلاة وتهجر القرآن وتهمل الدعاء !

الحقيقة لازم نفهم إن العبادة ثوابها أخروي مش دنيوي !!! بلا شك أن العبادة لها بركة في الدنيا وسبب من أسباب الرزق والصحة والتوفيق ولكن هناك في نفس الوقت أقدار واختبارات وابتلاءات ستجري على العباد

وفائدة الصلاة والقران والدعاء في الدنيا هي تقوية المناعة الإيمانية لتلقي الأقدار بالرضا وعدم الاعتراض والتسليم وترك الامتعاض !