أنا مش مع حق الكد والسعاية

ميبقاش إبنك في جيبك وتروحي تدوري عليه! 

الإسلام جعل ليكي ذمة مالية مستقلة يبقى متروحيش تحطي كل مرتبك في مصاريف البيت وجوزك يروح يحط نص مرتبه كل الشهر في البنك! ولازم تدخري من مرتبك ويبقالك حساب في البنك زيه! 

ولما تعملوا حاجه للمستقبل من فلوسكم أنتم الاتنين فتشتروا أرض أو تبنو بيت أو تعملوا مشروع يبقى لازم كل مليم تدفعيه يكون مكتوب باسمك ولو قالك أنت مش مأمناني قوليله خلاص اكتب الحاجه كلها باسمي أنا ولا أنت مش مأمني ؟!! ولا المفروض أنا اللي أديك الأمان وأنت متدنيش ؟! 

لو معملتيش كده وانسقت وراء عواطفك واتاكل بعقلك حلاوة مترجعيش تعيطي وتقولي الإسلام إده الراجل كل حاجه وفي الآخر وبعد تلاتين سنة جواز راح طلقني ورمالي المؤخر اللي بقه ملاليم!!!