الحق شوفت الشعراوي الوحش كان ضد الطب وعلاج الناس وكان عاوز الناس تموت ومتتعالجش وكان محرم الغسيل الكلوي ومحرم زرع الأعضاء وراح هو المفتري زرع قرينة بره مصر !!!!

يااااه كل ده عمله الشعراوي الوحش طيب اهدى بس كده وخد نفسك وخلينا نتكلم بهدوء بدون عصيبة وتشنج!

أولا : الشيخ الشعراوي عمره مازرع قرينة ودي كدبه من ولاد التيت علشان بس لزوم خطة تشويه الشيخ وإظهاره في صورة الأفاق اللي بيقول كلام ويعمل عكسه!

ثانيا:

الشيخ الشعراوي عمره ما كان ضد الطب ولاعلاج الناس ولا كان عاوز الناس تموت بدون علاج بالعكس الشيخ الشعرواي

كان بيدعم الطب والعلاج وكان بيتبرع من ماله الخاص لبناء المستشفيات وكان بيشجع الناس على التبرع لصالح المستشفيات.

بل إن الشيخ نفسه بنى مجمع خدمي في قريته وأنشأ عيادات لعلاج أمراض القلب والباطنة والمسالك البولية والرمد والجلدية والانف والاذن والحنجرة!

فهل ده شخص لا يؤمن بالعلم أوالطب زي ما شلة المنافقين دول ما بيقولوا ياراجل أنت عندك عقل في دماغك مش بطيخة عيب لما شوية أفاقين يضحكوا عليك بالشكل ده!

ثالثا: الشيخ الشعراوي عمره ما حرم الغسيل الكلوي هو كان شايف إن الغسيل الكلوي مش علاج للكلى وهتفضل الكلى غير صالحة للعمل والمريض غالبا هيموت بعد الغسيل بستة اشهر أو سنة لما تكون أسرته صرفت كل ما تملك!

يعني شايف إن ده استغلال من بعض الأطباء وتأخير للموت من أجل تحقيق مكاسب مالية!

وخد بالك الغسيل الكلوي في العالم وفي مصر من ٤٠ سنة مش زي النهاردة فكل يوم الطب بيتقدم وبيتطور فالشيخ نفسه لو كان عاش لهذا العصر لربما غير رأيه ده.

رابعا:

الشيخ الشعرواي كان شايف إن نقل الأعضاء حرام وده رأيه وهو رأي يحترم سواء اختلفت أم اتفقت معاه هو كان شايف إن لو سمحنا بنقل الأعضاء هتتحول الفقراء إلى مجرد قطع غيار للأغنياء وهتتحول المسألة إلى تجارة وبيزنس في البشر

وكان شايف إن ده هيفتح باب لسرقة الأعضاء

فرأي الشيخ له وجهاته ومبني على مخاوف حقيقة ومبرارت قوية و اللي هو خاف منه حصل وشوفنا ناس بتبيع كليتها من شدة الفقر وشفنا خطف أطفال وسرقة أعضاءهم وشفنا مستشفيات بتتقفل وبيتقبض على الأطباء فيها لأنهم عاملين مافيا لسرقة وتجارة الأعضاء!

يعني رفض الشعرواي لنقل الأعضاء مش بسبب إنه ضد العلم والطب والعلاج زي ما شوية الدجالين بيقولوا !

وعلى فكرة مش بس الشعرواي اللي كان شايف ده الدكتور مصطفى محمود كان شايف ومتبني نفس الرأي وكان عنده نفس المخاوف!

فهل برضه الدكتور مصطفى محمود كان ضد العلم وضد الطب ؟!!

سبحانك هذا بهتان عظيم