الواحد بتوصله أسئلة فيها كمية بجاحة محصلتش هو الناس رايحه فين ؟

يعني لما وحدها تسألني عن حكم إن عمها يجهز بنته من فلوسه وهو مريض سرطان هل يجوز له؟!! وهل من حقنا بعد موته نطالب بنته بالفلوس دي علشان تدخل في الميراث ياه على البجاحه!

ولما واحده تسألني إن جدها مريض ومحتاج يدخل مكان يتلقى فيه رعاية صحية وأعمامها رافضين أبوها يعمل كده علشان ده هيكلف فلوس كتير ودي فلوسهم وميراثهم! ومعترضين حتى إن ممرض يرعاه في البيت!!! 

الناس بقت طماعه بشكل بشع!! الناس عاوزه تورث أهلها احياء شوي كده وهنقتل بعض علشان نورث بعض!

يا عالم ياهو الإنسان طول ما هو حي مفيش حاجه اسمها ميراث وله حق التصرف في ماله سواء بالإنفاق أو الهبة أو التبرع أوالهدية أوالبيع أو الشراء ..