يسند غيره

اللي أتعود يسند غيره 

صعب قوي يسند على حد

صعب يفضفض أو يتكلم 

أو يرتاح.... مهما أتألم 

البسمة دي قناعه المذهل 

علشان من ضعفه مايبكي 

كل الناس تشكي وتحكيله 

وهو بيسمع ..عمره مايشكي 

غير بس في الأوضة لوحده 

فوق سجادته جوه صلاته 

يبكي ويشكي بدعوة بكلمة 

وربه بيسمع ابتهالاته 

مايشوفش وجيعته غيره هو 

ولا كل موقف في حياته 

وفي كل شدة أو أزمة يفزعله 

ويستنى حلول 

ويستنى حلو مفاجأته 

وتتغير الحالة في ثانية 

ماهو ساب كل الدنيا 

وراح يسند على ركن ركين 

عمره مايخذل أبدا أبدا 

مش زي البني آدمين 

رانيا ثروت