الفارق بين ميسي و هالاند

صحفي Bein sports عمل لقاء مع بيب جوارديولا و سأله سؤال مهم جدا ????

" الصحفي بيقوله بعد اللي بيقدمه ايرلينج هالاند ده في كل مباراة ده ، هل جه في بالك تصور انه لديك ليونيل ميسي في الفريق قادر علي التسجيل في كل مباراة ؟ " 

جوارديولا ضحك ضحكة صفراء كدة شوية ????

بعدين رد عليه و قاله ????

" The difference , Erling needs maybe all his mates, you know to do it. Unbelievable. Messi had the ability for himself to do it."

بيب ببساطة قاله ان هالاند بيحتاج زمايله كلهم عشان يعمل ده في كل مباراة " التسجيل " 

انما ميسي عنده المقدرة انه يقدم ده في كل مباراة " بنفسه " .... 

ده الفرق يا جماعة بين اللاعب المتخصص و اللاعب الشامل 

المتخصص في شئ هيحتاج الدعم عشان يقوم بالمهمة و علي فكرة ده مش غلط عشان محدش يفهمني غلط ، ده طبيعي و منطقي 

انما الشامل بيقدر يعمل كل حاجة بنفسه ، مش بيستني اللي حواليه 

ف هالاند ميقدرش ينزل مثلا للتلت الاوسط يقود هجمة و يراوغ من ٣ الي ٤ لاعبين و يمرر ثم يركض ثم يستلم ثم يسدد من خارج منطقة الجزاء مثلا او يركن الكورة في زاوية 

لا هالاند عليه السلوك الاستكشافي و عليه اختيار انسب نوعية تحرك لاقصاء المدافعين و عليه استخدام جسده القوي لعزل الخطوط و من ثم مرحلة الانهاء من داخل منطقة الجزاء ، دي شطارة كبيرة جدا و ده تخصص 

ف هالاند مسئول عن مرحلة الانهاء و مش مقشرات يا جماعة ، لا مسئول عن كافة تفاصيل مرحلة الانهاء و ملم بيها جدا 

انما ميسي بينزل يقود مراحل التدرج و خلق الفرص و الاختراق و كمان الانهاء ، ممكن يقود هجمة من التلت الاوسط و ينهيها هو بنفسه في الشبكة من داخل منطقة الجزاء او من التلت الاخير ، مراوغة و حمل كورة لمسافات و تمرير و تحركات و استلامات صحيحة و تسديدات قوية و موجهة و بكل الوضعيات .. 

دي مش مقارنة ، لكن بيب بيفهم الصحفي وضع ميسي مختلف ازاي عن هالاند جوة الملعب و اللي قاله صحيح 100% و واقعي ..