الخلاصة 
١-بلاش قروض.
٢-بلاش تجازف وتتعلم بفلوس الناس لو معندكش خبرة.
٣-توقع الخسارة بلاش أحلامك تكون وردية وغير واقعية في أي مشروع.
٤-التوسع الغير مدروس وبدون خطة استراتيجية خراب.
٥-توسع بدون غطاء مالي مجازفة ومقامرة.
٦- المشروعات الفقاعية التي تظهر فجأة وسريعاً بانتشار كبير لا يُمكننا الحكم عليها واتخاذها كنموذج عملي لأنها إذا كانت دون غطاء مالي فهي مخاطرة ومقامرة وليست مقياس لك (الموضوع كبير لو بتدور على نموذج عملي تقتدي بيه).
٧- تاجر بنضافة بلاش أساليب قذرة وملتوية فيها تحايل على رزقك.
٨- كثرة الفروع ليست دليل نجاح وهي استراتيجية تسمى الإختراق لكي تنجح تحتاج إلى دراسة وإعداد وتنبؤ غير عادي.
٩- كونك خبير في مجال معين لا يعني بالضرورة أنك قادر على إدارة مشروع في هذا المجال ،، الإدارة تختلف عن الخبرة الفنية.
١٠- مع بداية مؤشرات نجاحك احذر الغرور.
١١- اللي بيقع سكاكينه وقصصه ورواياته بتكتر ،، ادرس كل خطوة.
١٢- بلاش الغرور يخليك تكسب أعداء بتصريحات مستفزة استعراضية.
١٣- بلاش تلبيس طواقي واشتغل على قدك ومتاخدش بضاعة من فلان وتبيعها وتصرف فلوسها وعشان تسد تروح تجيب بضاعة من تاجر تاني وتلبس ده لده.
١٤- حافظ على سيولتك بلاش تبعزقها في الشو والإستعراض.
١٥- بلاش تشتغل مع ناس سمعتها مشبوهة وتجازف وتخاطر معاهم (يعني مثلاً لو هتشغل فلوسك مع حد اختار ناس سمعتها قديمة ومعروفة بالصيت الجيد).
١٦- متفرحش بتوريد بضاعة لناس جديدة في السوق مش معروف لهم ملامح.
١٧- الربا هلاك وكل شوية بنسمع عن قصص فشل وخراب بسببه (الربا مش شرط يكون تعامل بنكي).
١٨- الحلال طرقه آمنة حتى ولو كانت نتايجه بطيئة.
١٩- ما خاب من استشار.
٢٠- النجاح ملوش عمر معين طول ما انت عايش عافر.
٢١- انجح على مهلك مفيش حد بيجري وراك.
٢٢- بلاش تبني نجاحك على تحطيم الآخرين.
9