من فترة انقلبت على صديقة مقربة للغاية كنت يعتبرها توام روحي
اتهمتني بعيوب مش فى و نقصت من قدري كتير
قلبت المزايا اللي في لعيوب وساوت بيني وبين حثالة ما استنضفش اتعامل معاهم
مش ساوت بيني وبينهم بس لا دي راعت مشاعرهم على حساب مشاعري
الاول اتكسر قلبي منها .... بجد جالي اعراض اسمها متلازمة القلب المكسور واستمرت فترة لغاية ما ربنا كرمني وقدرت اتخطاها
لما قيمت سنين صداقتنا لقيتني دائما كنت الطرف اللي بتنازل .. الطرف اللي بصالح واعاتب واحافظ ع الود واشرح وابرر
وده معناه اني كنت الطرف الاكثر رغبة في العلاقة
انا قدرتها قوي وحطيتها في مكان عالي ومميز قوى جوايا وهى عمرها ما قدرتني فعلا
حاليا وصلت لمرحلة اقتنعت فيها انها مش غلطانة انا اللي كنت غلط
انا اللي حرمت نفسي زمان من رغبات مشروعة لى ممكن تزعلها هى ما طلبتش مني ده
انا اللي تخيلت أن علاقتي بيها مميزة قوي وافترضت أن التقدير بيننا متبادل ومخدتش بالي أن انا بس اللي قدرتها
انا مكرهتهاش بالعكس بتمنالها كل الخير ... انا زعلت مني بس لاني قللت من فدر نفسي لصالح قدرها
بس بعدها سامحت نفسي وبحاول اعوضها بمحبة واحترام منعتهم عنها كتير علشان ارضي شخصية عمرها ما اختارتني يوم وكنت دائما بعد الآخرين
بعد اهلها ... بعد زمايلها ... بعد ولادها... بعد نفسها
هى عمرها ما علمتني أولوية وده مش غلط ... الغلط اني انا عملتها كل الأولوية
ا
