حماه بتكره مرات ابنها كره العمى حلم حياتها إن ابنها يكرهها ويطلقها
أي كلام مرات الابن تقوله لازم الحماه تحوره وتفسره على أسوء التفاسير
فمثلا الحماة زعقت للبنت وشتمتها فالبنت قالت ليها أنا مش هرد عليك علشان أنا متربية وأنت ست كبيرة
فالحماة أول ما الابن وصل هاتك دموع تماسيح لابنها مراتك شتمتني وغلطت فيا وقالت اني مش متربية واني ست كبرت وخرفت !!!
فالزوج جاب زوجته وسألها انت قولت إيه يا بنتي قالت قولت أنا متربية ومش هرد عليك علشان أنت ست كبيرة تصرخ الحماة في ابنها شوفت بتقول إنها متربية يعني قصدها إني انا مش متربية وبتقول إني كبيرة يعني قصدها إني ست كبيرة بخرف ومش عارفه بقول إيه..
نفس السيناريو ده هو اللي بيحصل مع الشيخ الشعرواي بالحرف!
الحق شوفت الشعرواي قال إيه؟ قال : إن الزوجة جعلت لتكون مصرف لشهوة الزوج شوفت الشعرواي شايف إن الست صرف صحي شوفت الشعرواي الوحش بيهين المرأة !!
ماهو يافندم كلمة تصريف ومصرف دي مش شتيمة والله والشعرواي ميقصدش المعنى القبيح ده إطلاقا
مصرف في اللغة العربية بيطلق على البنك فهل البنك صرف صحي ؟! البنك هو مكان لتصريف المال والتجارة وتبادل المنافع فأكيد الزوجة هي المكان الشرعي والصحي والآمن والطاهر لتصريف شهوة الزوج والزوج هو المكان الشرعي والصحي والآمن والطاهر لتصريف شهوة الزوجة والشعرواي نفسه في تسجيلات أخرى بيقول نصا إن الزوج بيكون لديه عواطف يفرغها مع زوجته والزوجة بيكون لديها عواطف تفرغها مع زوجها " يعني مرة قال تفريغ ومرة قال تصريف والاتنين معناهم حلو ولكن الكاره والخبيث صورلك ما لايقصده الشعرواي إطلاقا.
باقي المنشورات في التعليقات