طفاني النور 

طفاني النور 

حطني الكتاب تحت المخدة 

ونام 

ما فهمت منه كلام 

ونفسي بيضيق بيضيق 

تحت المخدة 

حرام 

وخناقة قامت في شارعنا 

زحفت بسأل مين 

صرخوا .. مالك دخل 

الوضع العام..تماااام 

قتلني دمع النهر 

قطع أوتار الروح 

فكتبت عنه كلام

في ظاهره مش مسموح 

في قلبه مات مجروح 

في روحه حلم سلام 

زحفت تحت المخدة 

أحلامي مفعوصة 

وجنحتي مقصوصة 

وكتاب القهر بيزعق 

وضلوعي مكسورة 

أتخمد وأتهد 

بطل معافرة و نام 

---

كتابة أولى شخبطة