خبر عاجل: تم تأليف الموضوع:
فديتك بالروح
مدونة مي القاضي رقم التوثيق: 1,229
مدونة مي القاضي
تم التأليف منذ:—
  1. المنصة
  2. 🏠 مركز التدوين و التوثيق ✔
  3. 💎 الأعمال الموثقة
  4. رواية الحكواتي (حكاية ابن عبد العزيز) الفصل الثاني عشر
شعار مشروع جدار المدونات

مدونات مركز التدوين والتوثيق

استمتع بقراءة أعمال عالية المستوى بقلم كتّاب مركز التدوين والتوثيق.

ابدأ بكتابة اسم الكاتب أو جزء منه، وستظهر لك المدونة المطلوبة؛ المدونات مرتبة هجائيًا.

حملوا هموم الأب ظلمهم والظلم حرام ليك يا مظلوم رب قليل الأصل طبعه كلام الفصل الثاني عشر وصلوا بعد عناء سفر طويل استمر ساعات وساعات، استقبلهم ماجد استقبال مسح على قلوبهم كيف ما يمسح الحنون راس يتيم! اترمى تحت رجل أمه يقبلها ويبكي طالب رضاها، وقام قبّل راسها وإيديها، وسلّم على إخواته كلهم وحضنهم حضن الأب الحنون لعياله. وبص لمليحة وقبل ما يتكلم جرت دموعها على خديها كيف الشلال، قبّل يمينها والراس ووطى يقبّل قدمها، رفعت راسه واترمت في حضنه وبكت بكاء اليتيم اللي لقى نفسه في حضن أبوه. طبطب عليها وقال: خلاص يا ست الدنيا كلها ما حدش هيقدر يضايقك تاني طول ما أنا حي، وحتى بعد ما أموت، هأمن لك مستقبلك وكعبك دا هيفضل طول عمره عالي. حاولت تقبّل يمينه سحبها وقال: اوعاكِ يا تاج راسي، والله العظيم أزعل منك. عاشوا في كنف كارم وماجد أجمل أيام حياتهم، وصنعوا فيها أحلى وأجمل الذكريات. حال البلد وقف لما كورونا دخلت مصر، الشغل شبه اتوقف، ورغم كدا ماجد كان بيصرف الرواتب للناس زي ما هي؛ لجل ما يصرفوا على بيوتهم. كان قرب يسد القرض خلاص لكن.. قدر الله وما شاء فعل، حصلت كورونا الحال وقف، صبر وعافر لحد ما مقدرش يدفع قسط البنك، البنك اداله فرصة لكنه كلمهم بصراحة وقال: حصل لي تعثر، والسيولة اللي معايا مش هقدر أدفعها؛ هأكل بيها إخواتي. البنك اقترح عليه يكلم الأهل والقرايب قبل ما يتخذ الإجراءات القانونية ضده، وتلاحقه القضايا، كلم القرايب علشان يكون خد بالأسباب لكن القرايب شمتوا فيه؛ رغم إن ربنا جعل خيره عليهم وما حدش ليه عليه فضل غير اللي خلقه. حاول يسعى بكل الطرق لكن.. قدر الله وما شاء فعل. كلموا سعيد بعد ما اتقفلت في وشهم كل الأبواب، في الأول حن عليهم وقال: علشان خاطر مليحة هابعت لكم تسدوا ديونكم وتشتروا بيت في حي راقي، وتجيبوا عربية تتحركوا بيها، وكمان هبيع البيت اللي طردتكم منه؛ لجل ما أكتبه لمدحت، وأبعت لكم توكيل تبيعوه وتحط تمنه في مصلحة ليكم إحتياطي بعيد عن شغلكم. هاعوضكم عن الأذى اللي طالكم وعمركم اللي فات بس قولوا لمليحة تسامحني! بكت مليحة وجعها وكتمت صوت ألمها، وقالت: لله سامحتك يا بابا. اتفق معاهم على ميعاد بعد يومين، عاشوا يومين مصدقين وطايرين من الفرحة لحد ما جه الميعاد واتكلم وقال: مالكمش عندي فلوس وبيتي مش هبيعه، وبدل ما يتسجن واحد يتسجنوا الاتنين، وأي كلمة زيادة هانزل مخصوص أطلق لكم أمكم وهي في السن دا. نزل كلامه على قلوبهم صعقها، جت لهم حالة ذهول من كتر ظلمه، وقتها خدت مليحة التليفون واتصلت عليه وحاولت معاه ينجدهم لكنه كعادته خلي بيهم: بابا أنت وعدتنا خليك قد وعدك، كفاياك ظلم لينا، اعتبرنا ولاد أخوك، إخواتي ضحوا بشبابهم ورموا نفسهم في النار علشان يسترونا من ظلمك، ذنبهم إيه في كل اللي بيحصل دا؟ طول عمرك رامي حملك على غيرك. غضب وصرخ فيها بعصبية: يمين عظيم ما هتفرحي طول ما أنا عايش، مالكيش عندي لا أكل ولا شُرب، روحي انزلي الشوارع واصرفي على نفسك، ياكش تشتغلي رقاصة. مليحة بغضب بالغ: يمين على يمينك ليسعدني اللي خلقني واتكفل بي، قطع لسانك، لا عشت ولا عاش مين يذلني، والله في سماه لو هموت ما هقولك عطيني كسرة خبز، روح الله لا يربحك ولا يفلحك ويحرم عليك ريحة الجنة، ويجعلني جسر ليك تعبر منه لجهنم. سعيد وكأنه ثور هايج: أنتِ مش بنتي ولا أعرفك، أنا اتبريت منك للأبد. مليحة بغضب أكبر: وأنا أبويا مات من الساعة دي وأنت أبو أمجد مش أبويا. 25/5/2026