من أغبي بوستات الفيسبوك بوك و الأكثر استفزازا هي بوستات التوعية عن طريق أخذ الحكمة و العظة من قصص و مواقف لحياة آخرين ... سواء مشاهير او ناس عادية بسيطة .... الحكمة و العظة اللي اصلا ٩٠ في المية منها بتكون وهمية... و لكن لو اعتبرنا انها حقيقة ... القصة اللي بتحكيها اللي بنيت عليها الحكمة المستقاة ما هي إلا لقطة واحدة سينمائية ... مفيش حكمة و لا عظة و لا قياس يتاخد من موقف واحد لحياة انسان عشان تعمله مقياس سليم أو خاطئ لحياة انسان آخر ... تركيبة الإنسان الواحد معقدة جدا ناتجة من جدود الجدود و متوراثات متلاحقة من جيل ل جيل منها اللي اتطور جوا الإنسان دا نتيجة لخبراته هو و تجاربه هو و عدد مواقف مر بيها و قرارات خدها او مخدهاش ... تكوينة الإنسان النفسية هي ملخص لحياته و حياة الآخرين حواليه و مش بس اللي حواليه و حياة الناس اللي كانو حوالين اللي حواليه بنفسياتهم اللي زرعوها جواهم و اللي فلتروها او خدوها زيي ما هي ....
اللي اقصده ان كل واحد له تجربته الخاصة جدا اللي عمرها عمرها ما تنفع تبقى قياس لحد و لا تاخد حياة غيرك و مواقفه و قراراته قياس لك ...
عيش تجربتك الخاصة جدا بكل ما فيها و استمتع بخصوصيتها و انك مهما تشابهت حياتك مع غيرك فهي في عمقها و معناها مختلفة عن أي حد ...