انا بس عايزة أقولكوا أد ما بتشوفونا احنا الناس الروحانية المشاعرية …. حالمين و عايشين حياة خيالية خالية من المسؤولية
بنشوفكوا انتوا الناس المادية اللي بتحسب كل حاجة …. مملين و عايشين حياة تقيلة و متخلفة " حرفياً مش شتيمة "
الناس اللي بتجري ورا مشاعرها و مزاجها و كيفها و ميولهم روحانية … ناس مرنة أكتر بكتير جداً من أي حد ماسك ورقة و قلم و عمال يحسبها بالتفصيل
القليل عندنا كتير و التراب في ايدينا دهب
بينما انت كإنسان مادي مهما بقى عندك مبتحسش ان أبداً كفاية !
و مهما ربنا رزقك … الفلوس في ايديك تراب و هتخترع حاجة تصرف فيها
———————-
مبقولش ان الاكستريم في كلا الجانبين حلو
لكن التوازن مطلوب !
عيش رايق و إطلع من حلبة المصارعة و تراك السباق اللي انت عايش فيه ده
الدنيا بسيطة. ♥️