مرة وانا راجعة مع بابا من المدرسة على عجلته اشترالي مجموعة قصص المكتبة الخضراء علشان جبت درجات حلوة
و جيلاتي من مدرسة الزراعة
كان في ملف في الطريق للبيت واحنا بنلفه وقع مني الجيلاتي فرجع جابلي غيره
ووقع مني تاني واحنا بنلف فرجع تاتي وجابلي غيره
واتكرر الموضوع ٦ مرات وكل مره يلف ويجيبلي غيره
لا زعقلي ولا قال خودي بالك علشان ما ينغصش على فرحتي بدرجاتي الحلوة .
كل اللي عمله انه في المرة الثامنة أول ما وصل للملف وقف العجلة ونزل وسابني راكبة من قدام وبقى هو ماشي وساند العجلة وانا راكبة قدام لغاية ما خلصت الجيلاتي بتاعي .