مفيش حد بيفكر بيزنس او طموح إلا و لازم و طبيعي يكون له رجل بره بلده
لأنك مش هتفهم صعوبة النمو في موطنك غير لما تجرب البيئة برة
هتكتشف ان الدنيا بره أبسط بكتير
و بره دي تشمل جميع بقاع العالم
لأن الوجود في موطنك عموماً بيشكل عائق قصاد نموك لأسباب كتير نفسية قبل ما تكون إجتماعية أو مادية
الحاجة الوحيدة اللي تخليك تستمر في وطنك و خصوصاً لو زي مصر يعني هو انك تكون إنسان رومانسي
و يهمك الروح أكتر من المادة
و انا هنا مبقولش ان الناس بره مش رومانسيين ولا مهتمين بأرواحهم ! بالعكس !!
ده انت لازم تخرج عشان تفهم اللي بقولهولك ده
لأن اللي مخرجش منها في الغالب بيكون عايش طول الوقت ناقم مش مرتاح
و اللي خرج و مرجعش في معظم الوقت بيكون عايش
Stand by
و بيغني للغربة و الألم
فوطنك الأصلي قادر يقصقص ريشك و قادر يعلي من شأنك و انت اللي بتختار تحط نفسك في بيئة شكلها عامل ازاي و تستخدمها لنموك
بس ضروري تفهم انت حاططها في البيئة دي بالذات ليه و لحد امتى و مستفيد منها ايه و فايدة و أضرار الخروج عنها ايه
عشان تكون عايش واعي متجيش بعد سنين كتير تحس ان عمرك كان له شكل أنسب تعيشه بيه.