الشهوة مبتخلصش و بتزيد مع الوقت و بينتج عنها راجل متعدد العلاقات و بنسميه نسوانجي
= هل في نسوانجي بيتجوز ؟
- آه طبعاً ! بس بيكون باين يعني زي انه بيتجوز كتير او بيطلق و يتجوز و يرجع يطلق و يتجوز و تاني يطلق و يتجوز
= مش نسوانجي ده اللي بيمشي في الحرام ؟
- لأ خالص بالعكس في رجالة شهوتها شديدة و متحبش تعمل الحرام عادي
= طب مش ممكن واحد يكون شهواني بس مش نسوانجي
- لأ مش ممكن خالص للأسف ????
عشان الستات هنا بيكونوا اتنقلوا من مرحلة شريك الحياة لمرحلة الكيف
فبيكون عايز يجرب منها كتير و اشكال و الوان و حجات كده
= يعني اعرف منين الراجل ده بيتجوزني شريكة وللا كيف ؟
- فوق الجوازة التالتة كيف
اقل يبقى شريكة عادي
و على فكرة النسوانجي العسول بيكون واضح و سعيد و فخور بنفسه و حقيقي من جواه بيحب الستات مش بيستهبل و مش حاجة قادر يتحكم فيها يعني
= هو في نسوانجي عسول و نسوانجي مش عسول
- آه العسول ده اللي بيحب الستات و بيحترمهم و المش عسول اللي بيحب الستات بس مش بيحترمهم
= مش جايز يكون فشل في الجوازتين عادي
- لا هو مش فشل في الجواز نفسه … هو فشل في تحديد غرضه من الجواز
النسوانجي عايز من الجواز الجنس و الدلع … و فل على كده
تقوليله مسؤولية تقوليله حوارات بينط يروح لست تانية او يجيبها جنبك و يجيب التالتة و الرابعة و يتعرف على صحباتهم و يحب اللمة و العزوة طالما كلها ستات ♥️
و لما بتتذمري يا بيعمل ده في الدرى يا انتي بتطلقي منه عشان مش عاجبك الحال و ست نكدية ????