احيانا تلاقي نفسك قائد علي شوية قلل ( بضم القاف ووفتح اللام و تسكين الاخيره ) ...
دي من الابتلاءات اللي بتحصل كتير .. و ما بيكونش ليك يد فيها .. مثلا .. مجموعة قلل تتميز بمستوي فكري متدني .. أو بيئي رايح في داهيه .. أو أخلاقي رايح جاي .. أو كل ما سبق في متلازمه بتحصل عادي خالص..
في الحالة دي شوية القلل دول يا يخلوك زير كبير بما انك كبيرهم .. وباصرار شديد علي طريقة :حتي تتبع ملتهم .. يا تحاول انت تغيرهم و تحاول ترقيهم من قلل لفناجين صيني شيك ..و دي عملية مخدنهاش في الهندسه لسه ..
الحقيقه الكلمتين دول من تأثير مراقبتي لزميل ( في مجال ما .. بعيد جدا عن مجالك ايها القارئ عشان ما تفتكرش حاجه لا سمح الله ) .. الزميل ده مسؤول عن كوكبة منتقاه من القلل الحقيقة ... و اي تشابه في القلل فهو من قبيل الصدفه البحته ... 
