انا مصاب منذ الخليقه .. بمتلازمة " اسمك يخصك " .. يعني ممكن اقابل حسام .. اقوله ازيك يا وائل ... و اقابل سعيد و اقوله ازيك يا عبد السميع .. ، و هكذا
امس ظهرا .. كنت متجها من منطقة راس التين بالاسكندرية .. الي الشاطبي علي الكورنيش .. شاهدت زحاما حول ممثل مشهور يصور مشاهد من فيلم علي ما يبدو ...
و كان معي علي الهاتف زميل لي .. فقلت له سريعا : انا شايف قدامي الواد الممثل الجامد .. احمد عز ... ، فتحمس زميلي في الحديث عن احمد عز و اعماله .. و طوله و لون عنيه .. و انا الحقيقه .. مش شايف اي تطابق بين كلام زميلي و الممثل اللي انا شايفه قدامي و اعرفه حق المعرفه .. و عمال اشكك في ثقافة زميلي الفنية المتدنية ..
المهم .. الممثل طلع .. احمد حلمي