رأي انا عارفة إنه متحامل جدا ...
اللي مبوظ العملية التعليمية هم أولياء الأمور ...
هما اللي شالو أيديهم من مذاكرة أولادهم و بيدوهم دروس من ابتدائي ... بصراحة مش متخيلة طفل في ابتدائي رايح ياخد درس عربي و لا انجليزي ... و مراهقين في اعدادي رايحين درس تاريخ و لا جغرافيا ... دي خيبة تقيلة
أولياء الأمور هما اللي خاضعين لابتزاز المدرسين و هما اللي مقوينهم على الجشع ...
أولياء الأمور هما اللي بيدفعوا أولادهم دفع عشان مجموع عالي و معندهومش أدنى فكرة عن حقيقة تحصيل ابنهم ايه و اتعلم ايه فعليا ....
المصيبة الكبيرة بقى ان أولياء الأمور كتير منهم بيشجعوا أولادهم ع الغش عشان خايفين ع الفلوس اللي دفعوا دم قلبهم فيها طول السنة تروح ع الارض ... و ناسين أن أخلاق ابنهم اصلا و ضميره مش هايحصلوا الأرض...
أولياء الأمور هما اللي قللوا من قيمة المدرسة و اعتبروها تضييع وقت ... و هما اللي بيشجعوا أولادهم ميروحش المدرسة ... رغم أن المدرسة لو معلمتش حاجة غير الالتزام و احترام الدراسة كان ممكن يفرق في حاجات كتير.... بدل الفوضى و الاستهتار بكل القيم و القواعد اللي بقى منتشر ف الجيل دا ....
أولياء الأمور هما اللي خلو أولادهم ميحترموش المدرس ك كقيمة زيي ما جيلنا بيحترمه ... عشان العلاقة اللي ما بينهم مادية و اليد العليا فيها للطالب ...