الجاني و المجني عليه طبيب

لكن ... القضيه ليست قضيه أطباء و أو غيره ... فهي فرقعه ستزييط فيها الجزيرة زيطتين تلاته بعد اسهال من التصريحات كالذي أصابني يوم العيد ... و ستخبوا كسابقاتها ...

لكن القضيه الأهم الحقيقه .... هي حضرتك بتفكر ازاي ؟؟؟... و علي اي اساس بتبني اراءك؟؟... هل انت غضبان مثلا .....زهقان ... شايف حل ... عندك رؤيه ... ؟ ....ده لو اعتبرنا انك انسان مستقل فكريا و لا تتبع تنظيما ما ...

لو انت من بتوع عبارات :

لنا الله

مالناش تمن في البلد دي

اصلها مسروقه ...

اصلها بلد فنانين ،،

فانت ... بالصلاة علي النبي كده... دماغك جديده ... مش مستعمله ... و بالرغم من كده... عاوز يكون ليك نصيب في التزييط .... تزييط هادف و لا مش هادف ... مش مهم ...المهم اني ازيط اذا انا موجود ....

و لكن بعيدا عن التزييط ... هل عندك مقدره مثلا .. تتناول مشكله ما بالنقاش بموضوعية ؟ ... هل مثلا تقدر تطرح طرح علمي كده موضوعي للنقاش علي أسس علمية ؟ ... و تكلمنا علي أساليب حله .من وجهة نظرك؟... هل و انت مفحوط في التزييط. عندك وضوح للرؤيه و الرساله و الهدف ..؟ ...و لا انت قافش و خلاص ..و لنا الله يا جماعه و كده .. !!!

الواحد بيكتب البوست و بيبقي مستني مستوي معين من النقاش .... ، مستني سلسله من وجهات النظر سطحيه أو عميقه ..مش مشكله ..المهم فيه دماغ بتفكر ....مستوي كده من وضع البنان علي لب المشكله و كيفية حلها ...

لكن الحقيقه ... تحس أنك متورط مع مجموعة اطفال في حضانه بيعيطوا ... لا انت عارف هما بيعيطوا ليه ..و لا عشان ايه ..و لا ايه اللي يرضيهم ... هل مثلا ..المصاصه ترضيهم ..و لا البزازه ... و لا ايه ؟ ....و لما تسألهم ايه اللي مزعلكم يا حلويين .. يقولولك ..لنا الله ....

لما تفكر مع نفسك تكتشف أنهم اطفال ... و طبيعي لازم يعيطوا ... و مش منتظر منهم شئ غير العياط ...

البوست ده ليس اسقاطاا علي اي احد... شرفني و نورني بالمشاركة في النقاش في البوست السابق أسفل هذا البوست ..و لا هو إسقاط علي اي من اللي شرفوني بالاتصال .... لأنهم كلهم كان ليهم وجهات نظر محترمه ... و اثروا النقاش ... و لم يلتحقوا بالحضانه ...

غير كده .... لنا الله