بص يا سيدى .. عشان متتفاجئش لما نتصالح مع تركيا .. القصة ان فى حلفين بيتشكلوا الآن عالميا .. حلف انصار عالم القطب الواحد اللى بيحتضر (حلفاء امريكا) .. وحلف انصار العالم الجديد متعدد الاقطاب اللى بيتولد حاليا ( روسيا - الصين ) ..
= الحلف الاول بيضم فى منطقتنا دول الخليج واسرائيل وتركيا ومصر والمغرب .. والقيادة حتكون اقتصاديا للسعودية والامارات بتعليمات اسرائيل .. والقيادة عسكريا لتركيا بالتنسيق مع إسرائيل برضه (تركيا لها حاليا قوات فى العراق وسورية وقطر والصومال وتسهيلات عسكرية فى ليبيا .. واتدخلت بطائراتها الدرون فى حروب اذربيجان واثيوبيا ومعركة طرابلس)
= الحلف التانى بيضم فى منطقتنا ايران وسورية والجزائر واليمن واثيوبيا (واغلب دول افريقيا جنوب الصحراء).
= امريكا قررت إنهاء الخلافات البينية بين اعضاء الحلف بتاعها .. فحتلاقى الخلاف المصري القطري انتهى فجأة والخلاف السعودى القطري تبخر تماما .. حتلاقي مصر واسرائيل بقوا حلفاء علني ! وحتلاقى مصالحة مصرية تركية بالامر برضه .. وحيتفقوا كمان على مقاسمة غاز المتوسط .. (ومش حتسمع قصص الارهاب والاخوان والخلافة).. حتلاقى مصر لغت صفقة السو ٣٥ الروسية.
= طب ايه المقابل؟ السعودية عاوزة موافقة ان ابن سلمان يركب على الكرسي .. قطر خلاص بقت حليف استراتيجي لامريكا .. اسرائيل بتحقق حلمها فى السيطرة على المنطقة .. المغرب اخدت احدث سلاح من امريكا واسرائيل عشان تواجه بيه الجزائر وسلاحها الروسي .. الامارات والسعودية حيسيطروا اقتصاديا على المنطقة.
= اللى يهمني مصر .. واقصد بمصر الدولة والشعب وليس النظام الحاكم .. سنرى المقابل.
