قالت الصبية:
حبيبي ساعة وجاي
واتزيّنت بالشال،
وندهت لكل الحَي:
اِتجمّعوا عندنا
واتلموا بالفرحة
فضلت تنادي
والعطر بالطرحة:
زينة الشباب
قالولي راح يوصل
وإللي زمان ما كان
مسيره يوم يحصل
زغروطة يا أحباب
ده السعد ع الأبواب
فرحة ما ليها زي
الله أكبر .. الله حي
،
عربِيِتُه جايه هناك
شايفاها بعنيا
مين بس جي معاك
وشوفته قبليّـا؟!!
ما لهم كده متجمعين؟!!
كتير معاه أصحاب
عَدَّوني بينكوا يا مسعودين
مشتاقة لأغلى أحباب
بجري عليه وإيدين
عمَّالة تمنعني ..
الفرحة غايبة ليه!
حصلُّه ايه يعني!!
بتمنعوني ليه!!
مالكم حزانا ليه !!
ابني جراله إيه!!
أنا عايزه أشوف ابني
يُصرُخ عليا غريب:
يامَّه ده تابوته ..
رديت بصَرخ عجيب ...
أنا مت يوم موته