كلمه بيرددها كثير من رجالات العرب
تربية النشأ لازم بالقسوه و ليس فقط الحزم
#زي_ما_إتربينا
هذا لسان القائلين و لست انا
الغريبه انهم مش شايفين هم شبوا ازاي
قال يعني قسوة ابهاتهم فلحت
دول لولا ان الامهات خففت وطأة القسوه شويه
كان زمان نسبة الامراض النفسيه في العرب ٩٩.٩٪
بدل نسبتها العاليه جدا برضه دلوقتي
عايزه اكلمهم بالعاميه
لما الواحد مننا ما يعرفش ان ابوه و امه اكتر ناس بيحبوه في الدنيا
يبقى مانلومش بقى على نمو الارهاب
و دنو الاخلاق
علم النفس قال لازم نحضن ولادنا يوميا و بدون سبب
الحضن يعني #امان
لازم الأب يقولهم انه ظهرهم و سندهم
لو نفسهم في عمله جريئه من جرأة الشباب و مش حرام هيسيبهم يعملوها لكن و هو جنبهم
و لو غلطوا هيساعدهم يصلحوا غلطتهم
و ضروري الأم تقولهم انها قلبهم و هم قلبها ايضا
و تبقى معاهم و صديقتهم و محل سرهم
و الأثنين يصاحبوا الولاد و البنات
لازم نشجع ولادنا يحكولنا يوميا عملوا ايه في يومهم و مدرستهم
قابلوا مين و قالولهم ايه
اكتر من كده
حلموا بإيه بالليل
الاحلام دي هي #امانيهم او #مخاوفهم
يعني هتفهمنا ولادنا بيفكروا ازاي
حتى طلباتهم
ما يجراش
نقولهم ظروفنا الماديه
و نوعدهم اننا هنحسن من مستوانا المادي و نزود دخلنا
و فعلا يكون عندنا طموح
لكن نفهمهم
ان الشغل هيقلل ساعات وجودنا في البيت
بالذات في عصر النت
اتسهل الموضوع جدا و ولادنا هيحبونا اكتر لما نجاريهم في وسائلهم برساله على الواتس او تعليق على الفيس
لازم نضع ولادنا seen first
على الفيس
و اول ما نحس بمشكله
نحلها علطول و نكلمهم بالتليفون نطمن عليهم
لإمتي هنفضل مداريين عنهم
انهم اغلى من حياتنا
لإمتى
{رحم الله رجلا اعان ابنه على بره}
مدلول حديث شريف
الإجبار و الأوامر لا تُنشئ مواطن صالح
انما
#الحب
و #العطف
و #الود
و #الحنان
يفجرون طاقة الابداع بداخل فلذات الأكباد
ده اذا كنا عايزين مجتمعنا سليم يا رجالات العرب
لازم نواجه نفسنا بالحقيقه
و نبطل نكرر اخطاء الماضي
رغم انه كان زمان آباء عطوفين جدا
و ربوا اولادهم و بناتهم بالحنان و العطف و الرحمه و انتجوا للمجتمع افضل المواطنين والمواطنات