لا ليا في الارتباط ولا ليا في قصص الحب خالص 😅
انا ست بتتجوز صالونات عادي
انما مش جواز تقليدي !
يعني اتقابلنا فين أول مرة سواء كميونيتي او صالون بيتنا ولا هيفرقلي
لكن فكرة ان الواحدة تتجوز فتلاقي نفسها بتعمل حجات معينة في البيت بشكل يومي لو معملتهاش تتوصم و تتفضح بين العيلة و تخوض محادثات معينة لو معملتهاش تبقى نافرة و مش عشرية و الكميونيتي بتاعها يبقى كله ستات بتموت في اللت و مجايب سيرة الناس و يعلوا على بعض برصة الغسيل ع الحبل بعدين تروح الشغل تجيب في سيرة زمايلها و تحكي عن جوزها و جو الموظفين ده
ملقيتش نفسي في الكميونيتي ده حقيقي و مش تقليل منهم بس مش كيفي خالص !
مفيش مرة قعدت مع الستات دي في تمرين في كورس في مدرسة في بيت و حسيت ان الله القعدة دي كواليتي بتاعها عالي أوي يا ريت نكتر منها !!!
لكن ستات كتير مطلقة و بنات لسه متجوزتش و سيدات أعمال في كل المجالات و زوجات تانية و غيره من الستات المش تقليدية و اللي المجتمع دايماً يحب يحطلهم
Labels
بلاقي نفسي معاهم و احب نتكلم سوا !
عشان حيز التفكير أوسع بكتير و الكلام أعمق و اروق و أكيد مش قاعدين نجيب في سيرة ناس تانيين ولا نعلي في تفاهات
جواز الصالونات جميل
الجواز التقليدي مش جميل لأ !