العيون بتقول كلام
العيون بتقول كتير
ممكن عتاب
ممكن سلام
ممكن محبة
و كل خير
العيون تبوح بسر
العيون تفضح محب
في نظرة عين
تلاقي صبر
و في نظرة تانية
يهون الصعب
في عيون
تحضن تطبطب
و في عيون
دامعةو حزينة
و في عيون
تحرق .. تكهرب
و في عيون
عاقلة و رزينة
بنظرة تفتح للحب باب
و ممكن كمان تلاقي شر
بنظرة ممكن
تشرح كتاب
و ف نظرة تلقى كل غدر
بص ف عيون الناس
و اقرا مكتوبها
دة من عيون الخلق
تفهم قلوبها
بنظرة عين مهما يداروا
تعرف طباع الناس
تفضح عيوبها