ياصباح النسمة البردانة
وشتانا الجاى على هوانا
والمج السخن اللى ف إيدك
بيصحّى مشاعر نعسانة
بتخلّى الزعلان يتراجع
وتواسى التعبان والدامع
وتجرّى الكسلان على رزقه
يجبره مولاه دايماً سامع
ياصباح الشمس الهربانة
ماهى ياما خادتنا على خوانة
شعللت النار جوة قلوبنا
وعيونا النايمة القلقانة
ياصباح أشواقنا العطشانة
تحلم باللمسة الدفيانة
نطبطب بيها على روحنا
وتطيّب فى آلام ومواجع