وقت للمعلشة

لكُلّ حدّ اِتلسع م الشوربة، ومش أخد اِحتياطه بالنفخ في الزبادي، فاتلسع تاني وتالت ورابع وخامس.

لكُلّ حدّ مفكّر السذاجة طِيبة، وعلى هذا الأساس أخد ع قفاه ما تعدّش.

لكُلّ حدّ مفكّر نفسه غالي عند حدّ من غير ما يتمّ اِثبات فكرته دي بالمواقف.. عيب يا حضرة بلاش تهور.

لكُلّ ندل لابس توب الرجولة، ومفكّر نفسه ناصح، لحد ما جات المواقف وفضحته.

معلش لكُلّ حدّ فيكم، بس لو هانمعلش لكم يبقى مش هانخلص، العُمر بيجري ومٰفيش وقت للمعلشة.. اِتغيّروا للأحسن أحسن.