بطلت أخاف ..
وهقول للغول...عينك حمرا
وهخالف أخطاء تقاليدكم....
وازعق وأقول أيوا انا حرة
وعاداتكم دي مش عجباني..
بطلت ألجم في لساني
أنا حرة ومش عيبة وعورة
مواريث تقاليدكم برفضها
أنا واعية لحقي وبعلنها
لا بخالف شرع ولا ديانة
أنا رافضة يكون مكتوم صوتي
ولو اتكلمت ابقى مدانة
أنا بطلب حقي ومش أكتر
أنا واعية وبفهم وبفكر
أنا برفض جملة تقاليدكم
وهعارض وهقول واتحرر
إزاي تتحكم في حياتنا
تقاليد موروثة بتحكمنا
وعادات بحبالها بتخنقنا
حكمها كالسيف جز رقابنا
ولا أيها دين حث عليها