طيبه دي اجمل مدينة
بترابها نكحل عنينا
أمنت وآوِت نبينا
قوّت كل الضُعاف
جارت كل اللي جالها
جارة مكة وحرمها
وياما نبينا دعالها
طيِّبة ناسها لطاف
صلوا على شفيعنا نبينا
ده الرحمة المهداه لينا
صلَ الله عليك وسلم
يا مُحمد يا أحلى ما فينا
---
أطهر مكان أرض مكة
بتحوم حواليها الملايكة
للكعبة جلال ياما بًكَّى
ملايين في البيت الحرام
الركعة فيه بألف ركعة
والحُجاج ساجدة وراكعة
بيدعوا بإخلاص ودمعة
يرحم كل الانام
صلوا على شفيعنا نبينا
ده الرحمة المهداه لينا
صلَ الله عليك وسلم
يا مُحمد يا أحلى ما فينا
--
يا رسول الله إحنا احبابك
واقفين طول عمرنا على بابك
كام مرة دعيت ربي أجابك
طبعا ماانت الحبيب
رحمة ربنا تحى قلوبنا
وبستره تتدارا عيوبنا
بشفاعتك يحمى لنا ذنوبنا
تدعي وربك يجيب
صلوا على شفيعنا نبينا
ده الرحمة المهداه لينا
صلَ الله عليك وسلم
يا مُحمد يا أحلى ما فينا