الحقيقة اللي لازم تواجهها هي ان أسهل حاجة في العالم و الفترة الزمنية اللي احنا عايشينها هي انك تجيب فلوس و تكون ثروة
معلش لو انت لسه موصلتش ل ده، ده لأننا عايشين في العالم التالت و لكن حتى ده مش مبرر، ببساطة لأنك تقدر تشتغل كل حاجة اونلاين و تقبض بالدولار و كل الكورسات موجودة اونلاين و كل الناس بتعلمك الخطوات بلغتك الأم و حتى اللي بيتكلم لغة غير لغتك تقدر تترجمها في ولا وقت، و تقدر تأسس لأي شغلانة و تعتمد فيها على ال
Ai
بنسبة كبيرة، يعني حتى مش هتتعب كتير بالشكل البدني التقليدي بتاع زمان ولا مواعيد الالتزام … الخ
و تقدر تعدد مصادر الدخل و ١٠٠٠ من يدلك تعمل ده ازاي بضغطة زر على اي فيديو لحد عربي بيتكلم في المال و الاعمال هتفهم و تتعلم كتير
يخي ده حتى رجال الاعمال اتجهوا للميديا عشان يوصلولك لحد بيتك و يعلموك تعمل فلوس ازاي و ده لأنهم هما نفسهم بقوا بيدوروا على قيمة
Value
لنفسهم اعمق من مجرد انهم بيجيبوا فلوس !
يعني حقيقي الفلوس دلوقتي بتتجاب من الهواء، و الدليل ان الاستهلاك مفيش اكتر منه
أصل بالعقل كده بعد ما جيبت فلوس هتعمل بيها ايه غير انك تستهلك ؟
انت نفسك بتجيب كتير بس عشان الاستهلاك اد اللي بتجيبه مبتحسش ابداً انك غني
الفكرة بقى انك لما بتبص بنظرة شاملة شوية بتلاقي ان المنتجات اللي في السوق مهما كانت كتيرة فانت كانسان محدود
و ان الانشطة مهما كانت كتيرة فانت كإنسان بردو محدود
تعالى ندي مثال، انا مثلاً لو عملت
Collaboration
مع ١٠ براندات
Cosmetics
جالي منهم مجموعة
Skin care routine
في الآخر هو وش واحد اللي عندي
هحط عليه كل ده امتى و ازاي و ليه ؟
———————-
لذلك العالم كله دلوقتي بيتجه لإيجاد هدف للحياة
Life purpose
و للسلام النفسي و العقلي
Mental and psychological health
و الرجوع للطبيعة
All naturals
و البساطة
Simplicity
في محاولة للتخلص من عالم مجنون و مولع بالبراندات و ال
Unboxing
و ال
Hauls
و الmedia shows
الخ
كلامي هيفهمه كويس الناس اللي بتبص للصورة الشاملة،
لو عايز توفر على نفسك عناء الرايحة و الجاية، استمتع بكل لحظة انت عايشها دلوقتي بظروفك و بكل تفاصيلك، و ده لأن عمرك محدود فوقتك محدود، و جسمك محدود فمجهودك محدود، دي حجات مش هتشتريها فلوس