تجاوز العلاقة مش إنك تكره
التجاوز انه ميحركش جواك ساكن، ببساطة
يعني يا آيه كوني مش طايقاه و مش عايزاه و مش قادرة أتعامل معاه و مش حساه و مش موافقة أكمل معاه … كل ده مش تجاوز ؟
لأ للأسف ده مش تجاوز، لأن التجاوز مش هيجيب كل الرفض ده
هتلاقي نفسك بتتكلمي بمنتهى الهدوء و قابلة بكل التفاصيل
بل و في الغالب هتتكلمي عن مزايا الشخص ده قدامه و تقوليله انت كويس معايا في كذا و كذا
و مش هتحسي ان كلامك بالطريقة دي غلط أو ممكن ينفخه و كده
بالعكس !
انتي هتبقي بتمرهمي عشان الرفض اللي هتعمليه ميوجعش
—————
في الآخر الغرض من الرفض عند الناس الناضجة مش إنك توجع الشخص اللي بتتتعامل معاه
و لكن مجرد ان القصة خلصانة جواك فبتحاول تعبر عنها بشكل يليق بيك و بالشخص و بالعلاقة اللي كانت بتجمعكوا في يوم من الأيام.