وبخاف..
لو القلب انطفا نوره بدري والعمر تاه
لو انحرفت سطور الحنين ومقدرتش اكون غير حرف ع الهامش فقلب ديوان
لو اتكسر احساسي بيكي وبقيت جبان
وبخاف..
لو مكانش البعد بالساهل ..لكنى اخترت ابعد
قبل ما ينزف قلبي شوق
قبل ما اشوف قلبك الضعيف قدامى وطن محروق
يااا وقت ليه دايما ..يادوب
حقيقي بعدت لكنى ..روحي فيكي
طلبت مددك...مديتي ايدك
ولأجل خاطرك لبست ليكي الهزيمة توب
ومشيت فأرضك ..كر وفر
وليالي تمر...
وانا قلبي فرد حمام و فر
من صهد أسفلت القلوب.
و ف الاخر مفيش فايدة ..
مكانش بعدي بالساهل ..لكنى بعدت.
و دا المكتوب