السبب اللي بيخلي الجوازة التانية تستخبى عن الزوجة الأولى
هو ان في أغلب الأحيان بيكون الأهل فاكرينها إهانة للزوجة الأولى و ما بيصدقوا يفرحوا فيها
المثل بيقولك
" اللي جوزها يقولها يا عورة يلعبوا بيها الكورة "
و يبدأوا في إهانتها هما كمان بشكل مباشر على أساس جوزك سابك هنرحمك احنا ليه و كده
و هو ولا سابها ولا أذاها خالص … بالعكس !
لو كان عايز يسيبها كان ساب
————-
و انتي كزوجة تانية أشهر و أعلن و متجوزك بين أهلك و مخلف منك و عامل كل جميل
ليه كل اللي في دماغك مراته تعرف ! و لما بتعرف بتستغربي هي مشيطنة ليه !
انتي عارفة الضغوط اللي بتمر بيها عاملة ازاي ؟
————-
من مصلحتك كراجل يبقالك شخصية و حياة و تتفطم شوية من أهلك عشان تنضج و تمارس قوامتك
مش عيب تبقى طول بعرض بأخلاق بكاريزما و لسه مستني موافقة الناس على قراراتك الشخصية و حياتك العاطفية !
مش عيب تبقى على ذمتك ستات بتتهان بسببك ؟ !