سمي و ابدأ رحلتك
و ادخل برجلك اليمين
و ابقى نقي صُحبتك
دي رحلة فيها ١٠٠ كمين
فتح و ركز ف السكك
دة كله فيها سلف و دين
الرحلة ابدا مش طويلة
بالتقوى لازم تستزيد
عمرك يعدي كأنه ليلة
من كل ثانية استفيد
اوعى تسهيك الجميلة
و تنسى وعده و الوعيد
ف الرحلة هما سكتين
و انت عليك الاختيار
في سكة زينة و سكة شين
و ليك لوحدك القرار
سكة نجاة و سكة ضياع
و مفيش من الاقدار فرار
اختار بنفسك اللي انت اهله
متسيبش نفسك للصدف
دة ياما ناس قبلك تساهلوا
و ما شافوا يوم واحد ترف
دة الجاهل اللي تاه ف جهله
ميتساويش باللي عرف