شوفي شكلك في المراية وبُصي ليها
ركزي...جايز حقيقتك تعرفيها
إوعي مرة تصدقي إنك ملاك
إنتي نسخة وصورة أصغر للهلاك
أيوه حَبك قلبي لما كان بريئ
بس فاق دلوقتي قبل ما يتوه في الطريق
شاف حقيقتك شاف عنيكي الكدابين
الحمد لله إنُه عرفني انتي مين
إنتي كنتي سراب ووهم
حُبي ليكي عذاب وهم
قلبي علشان عنده دم
ساب غرامك للي شبهك خداعين
يلا حُبك راح تمام زى اما جَه
بجد بحمد ربنا ع الدرس دَه
خدت خبرة كبيرة منه
واستافدت وفدت غيري
أيوه واتعلمت إنه
الحب شيئ وقرار مصيري
لازم اختاره بعناية
وبتأني
عشان أغني
ويى منه طول حياتي
ويبقى جناحاتي وطيري