١- ذكى : أثبتت الدراسات ان كل ما كان الراجل ذكى كل ما كان مخلص للعلاقة أكتر ... الرجالة الأذكية بتتجوز و بتفضل متجوزة.
٢- بيضحكك : حتى لو دمه تقيل بالنسبة لكل الناس بس بيضحكك انتى.
٣- بيشجعك على شغلك : الدراسات أثبتت ان ورا معظم الستات اللى قعدت فى بيتها و مكملتش ... راجل شايف ان تربية الأولاد شغلها لوحدها.
و حتى اللى كملت منهم شايلة الأولاد معظم الوقت لوحدها بالفعل و الراجل بيرفض يغير الجداول بتاعته او ييجى على شغله عشان يشيل.
٤- بيهتم بأهلك و أصحابك أد ما انتى بتهتمى : اتأكدى انك مع حد مش بس بيديلك مساحة تكونى مع صحابك ! لأ كمان يكون مهتم يتعرف عليهم.
٥- شوية ذكاء عاطفى: يعنى لو فى حاجة بتتكرر فهو الست الشكاية و الراجل اللى مبيبذلش أى مجهود يريحها !
و الدراسات أثبتت ان الستات مهتمة تسمع و بتقدر الطلبات العاطفية للرجالة أكتر.
٦- بيحترم آرائك و بيسمع اللى بتقوليه : تقفيل الدماغ مش مقتصر على راجل أو ست .... فى المجمل اللى شايف نفسه صح على طول الخط و مبيتفاهمش مش كواليتى حلو.
٧- يبذل مجهود فى العلاقة : الدراسات أثبتت بردو ان العلاقات الناجحة مش دايماً عشان التوافق الموجود لكن عشان المجهود اللى بيتبذل للوصول للمنطقة دى.
٨- بيحتفل بانجازاتك : مهما كانت سواء بتشيلى حديد او اتعلمتى لغة جديدة ...
٩- بيشير معاكى القيم بتاعتك : و دى من أهم النقط فى وجهة نظرى لأن هيكون ليكوا نفس الآفاق و هتحلوا المشاكل بنفس الفكر ...
-------
حجات كلها ملهاش أى علاقة باللى معاه و مستواه المادي ...