الحاجات بتغيب ساعات
وساعات تاخدنا لذكريات
والذكرى مش ممكن هتنسى
ضحكة بمبي بلون سعاد
روح خفيفة لما تضحك
تلقى كل الحزن مات
سندريلا بقلب لولي
تخطف الغم بلطافة
لما تظهر ع الشاشات
بنت في حلاوة ستارة
هزها شوقها بشطارة
ف اتفتح ع البلكونات
لما تسمع صوتها تعرف
إن دي ضحكة سعاد
كل حاجة يجوز تموت
بس صوتها وحكاياتها
ويّا روحها وتسريحتها
مستحيل أبداً تفوت
رغم أنف الكره فيكم
عايشة أبداً روح سعاد
روح خفيفة لما تضحك
تلقى كل الحزن مات
*************************
مي منصور