بلاش تربي ولادك بنفس الطريقة اللي اتربيتِ بيها من أهلك.
كل جيل له طريقته، وكل موقف هيمر بيكي معاهم هيبقى ليه ذكريات وتجارب مختلفة عن اللي انتي مريتي بيها.
تفكيرهم ومشاعرهم مش زيك، وكونك تقبلتِ تربية أهلك زمان، مش معناه إن ولادك لازم يتقبلوا نفس الأسلوب.
صحيح فيه ثوابت مينفعش تتغير، لكن القرب من عقلهم وطريقة تفكيرهم وأسلوب حياتهم، هيسهّل عليكي حاجات كتير، وهيساعدك تربيهم صح.
طول ما عندك مرونة في أساليب التربية اللي بتختاريها، هتقدري توصلي لقلبهم قبل ما تعاقبيهم، وتفهميهم قبل ما ترفضي تصرفاتهم.