جيل النصر ,, قصيدة لأشرف الكرم

أكتوبر رمضان تشرين

جيل النصر أهُم جايين


كل ولادي هيصنعوا مصر

مستقبل واعد و متين


شوفوا ازاي جايبين النصر

من شوقهم لصلاح الدين


جيل أكتوبر جيل النصر

راح يمشوا و يعدوا سنين


و يخَطوا بأدوات العصر

و يسابقوا بأحلام ملايين


لو عاوزين نوصل للنصر

يبقى مفيش شاكي وحزين


بس عمل و علوم العصر

نقدمها بإيمان و يقين


- - - - - - - - - - - - - - -
تحية ليوم 6 أكتوبر
الذي لابد وان نحاكي نصرنا فيه
لننتصر على كل سلبياتنا
بارادة و جهد و تعب
وليس بالشكوى و الحزن على ما فات

و أحيي الشاعر المصري الاديب الاريب
الاستاذ / ممدوح العرابي
الذي اهدانا ابيات شعرية في احد المنتديات
بعنوان :
اكتوبر رمضان تشرين

و التي شجعنابها , على زخات من اضافاتنا الشعرية المبتدئة
عن اكتوبر رمضان تشرين

فتحية له