بمجرد ما تدرك إنك ولا حاجة، محدش بيعرف يغلبك
————
هتفضل كتير أوي تقنع نفسك ان فلان مهتم بيك، لحد ما ييجي وضع اختيار بينك و بين حاجة تهم فلان ده و بتدرك وقتها انك كنت بالنسباله " ولا حاجة " ببساطة شديدة
طبق الكلام ده على شغل على قرابة على أي حاجة
و كن متأكد تماماً ان " محدش مهتم "
كل واحد بيدور ع اللي ليه، قلما تلاقي حد بيعمل اللي عليه
فبمجرد ما تعترف قدام نفسك انك ببساطة " ولا حاجة " إنسى إن حد يعرف يغلبك في أي حاجة
أصل تمام يا عم انا ولا حاجة في حياتك ! تاعب نفسك معايا ليه ؟
انا ولا حاجة في الشركة ! مركز معايا أوي ليه ؟
انا ولا حاجة في الأسرة ! مستني مني ايه و متوقع مني ايه ؟
خلصنا خلاص