عن مسلسل الهرشة السابعة

شريف أحد أبطال المسلسل

شخص أنانى إلى أبعد الحدود

سلمى بنت بعد ظروف أنفصال بين أهلها عاشت لوحدها

بتحب السفر والكامبات ولها بعض الأقارب والاصدقاء

أتعرفت على شريف فى كامب .. علاقة كانت لذيذة

متفاهمين .. ابتدوا يعرفوا بعض على أصحايهم وقرايبهم

حسوا إنهم مبسوطين مع بعض .. فا طلب منها أنها تيجى تعيش معاه فى بيته كتجربة علشان يشوفوا الدنيا حاتظبط معاهم ولا لأ .. مجرد تجربة ... ودى كانت أول مشكلة فى العلاقة .. سابو بعض ..

هو شايف أنه عادى يجربوا لانه عاش بره وده عادى .. بس ناسى أن الوضع فى مصر مختلف .. ناسى أن فى الاول فى حاجة أسمها حلال وحرام .. ناسى أنه ممكن لما يجربوا ما يتفقوش ويقرروا ينفصلوا .. طيب هو كراجل تمام .. وهى كا ست هل مفروض أنها تعيش حياتها تجارب .. ده ما نفعش تشوف حد تانى برضه تجرب معاه .. هل ده منطقى.. أكيد لأ ...

هو أعتقد أنها علشان عايشة لوحدها .. علشان أهلها مش موجودين .. علشان هى بتحب السفر ولها أصدقاء وأصحاب .. بتحب الحياة .. فا ده عادى أنها تروح تعيش معاه من غير حدود أو قيود ..

فكر غبى ومتخلف ومتعغن .. بيداري وراه شخصية مريضة نفسيا ..

بعد فترة فهم الموقف .. أتجوزوا .. بس هو رافض أنه يجيب أطفال .. هى شغلها كله مع الأطفال وبتحس أوقات أنها نفسها تبقى أم ولكن هو رافض الفكرة ..

On the other side

وهو صغير كان عايش بره .. أرتبط بواحدة

فجأة بقيت حامل .. طلب منها تنزل البيبي

رفضت لأنها عايزة البيبي .. قرر أنه يهرب من العلاقة

وباتفاق أنها لما تخلف ما تقولش أن هو الأب ولا تجيب سيرته

وتنساه تماما .. وهى وافقت علشان تقدر تحتفظ بالبيبى ولأن ثقافة المجتمع عندهم تسمح بكده ...

بعد 18 سنة البيبي بقيت بنت كبيرة عايزة تعرف مين باباها وبعد تعب نفسى وضغوط على الأم .. الأم قالتلها مين أبوها ..

تواصلت معاه .. طبعا أنزعج جدا .. كان بيلوم الأم أزاى قالت للبنت عليه .. وإزاى أخلت بالاتفاق .. الموضوع صدمة لسلمى .. سابت البيت .. ولأهله .. فجأة عندهم حفيدة عندها 18 سنة ...

فى كل موقف كل اللى بيفكر فيه نفسه وبس

كل اللى بيفكر فيه هو عايز أيه .

شايف الدنيا من منظوره هو وبس

نسخة من نسخ كتير بقيت موجودة بكثرة

الأستسهال والأنانية ..