حوار ان حلال الزواج من مسيحية و حرام تهنئتهم بالعيد ده أكبر دليل ان مش لازم عشان اتجمعنا تحت سقف واحد تبقى معتقداتنا واحدة
ولا عشان نتجوز لازم توافق فكري
ده كمان دليل بسيط كده إنك مش داخل تحضر دكتوراه في الدين و الحياة و العيشة و اللي عايشينها عشان تفضل تقيس بمقاييس المجتمع الخايبة من شكل و جسم و لبس و تعليم و مهارات و بتاع
ببساطة
انت داخل تعمر بيت و تتبسط بالحفاظ على حدود كلا الطرفين
مش الفكرة الرومانسية اللي اتصدرتلنا على مدار السنين ان الحدود بتعشق في بعضها لمجرد انكوا اتجوزتوا !
او ان مفيش كرامة بين الزوجين
واحدة مسيحية متزوجة مسلم بعد حب ١٥ سنة و فرق سن ١٠ سنين …
قالتلي انا لو اتخليت عن ديني عشانه مش عن اقتناعي الشخصي مفروض هو ميآمنليش تاني لأني ببساطة ممكن اتخلى عنه هو كمان لأي سبب مش عن تفكير و قرار حر مني