تعالى أقولك مميزات انك تتجوزي راجل متجوز
١- عندك مساحة وقت رائعة تأسسي للكاريير بتاعك او تلتزمي في شغلك و اهتماماتك في الوقت اللي هو فيه في بيته التاني
٢- مبتدخليش في صراعات السيطرة بينه و بين الستات من حواليه سواء مراته مامته أخته البيست فريند بتاعته أو حتى بنته لأنه م الأول لما خد القرار كان انسان ناضج مستقل
٣- شخصيته
Keeper
يعني بيحافظ على علاقاته و الا كان طلق مراته من بدري لو عنده مشاكل نفسية بيسقطها في العلاقة
٤- عنده خبرة في التعامل مع الأطفال و فاهم مشاكل الزن و الخناق و الصراعات اليومية فمش هتبقى شايلة هم انك تراضيه على حسابهم
٥- العلاقة ما بينكوا راجل و ست مفيش عناصر تانية كتير حواليكوا لأن كل العناصر المتدخلة بتركز مع الجوازة الأولى من أهالى الطرفين و ضغوط المجتمع و غيره لكن انتوا منبوذين من الأول فمحدش عايز يعرف عنكوا حاجة ????
٦- بتتجمعوا على الحجات اللي بتحبوا تعملوها او تتكلموا فيها سوا مع الحفاظ على الاستقلال النفسي لكل من الطرفين
٧- وقت أكبر مع أولادك و اهتمام أكتر بيهم في حالة انك سينجل ماما او حتى ماما و هو ابو العيال
٨- مبيشوفش منك غير الكويس سواء نضافة أو أكل أو إهتمام عشان عندك وقت تجهزي ل ده و تهتمي بنفسك
٩- مفيش ملل عشان انتوا الاتنين على طول واحشين بعض
١٠- معندكيش مخاوف من البعد و الهجر و الوحدة و الحجات اللي بترعب معظم الناس دي لأنك م الأول مختاراه راجل مش عيل و لأنك ست مستقلة مش عيلة
١١- معندكيش رغبة في التملك و فرض القوة و السيطرة و الحجات الخايبة دي لأنك م الأول عارفة ان انتوا داخلين حياة بعض تتبسطوا مش تنكدوا
————-
المشكلة بتبدأ لما بتنسي كل ده و تروحي تنافسي الزوجة الأولى و تنسي الراجل أو تبقى خرابة