المنيماليزم صديقى فى المراحل الانتقالية
-------------
كل فترة بيحصلنا تغيرات ...
سواء تغيير فصول السنة ...
لو بننقل من بيت لبيت تانى ...
لو بنشتغل و سيبنا شغلنا ...
لو خرجنا من علاقات ...
لو قررنا نسافر أو نهاجر ...
و غيره و غيره
دايماً أول حاجة بتيجى فى بالى هى انى أتخلص من كراكيب اللى فات ده و أحضر نفسى للى جآى ...
-----------
جمال العملية دى هى انها بتظهرلك حصيلة اللى فات ... الحصيلة الحقيقية مش اللى انت بتوهم نفسك بيها
مثال: لو بتعمل ديكلاترينج للكراكيب بعد فصول السنة بيظهرلك ايه القطع اللى لبستها فعلاً و استخدمتها على مدار الفصل اللى فات
مثال تانى : لو خرجت من علاقة و شيلت كل الكراكيب من محادثات لصور لهدايا و غيره ... هيبقالك الحجات الجميلة و بس
أحلى صور اتصورتوها سوا
أحلى هدايا جاتلك
أحلى كلام اتقال
ده غير اللى فى الذاكرة كمان ????
الموضوع بيكون كأنك بتعمل تقرير باللى فات فتحس بجماله و تتحمس فتجهز لشغل بكرة