من ادوات تعبير الكاتب عن مشاعره

واحدة من الأدوات اللي تخلي الكاتب ينطلق في وصفه لشعور شخصية بيكتبها هو أنه يستخدم أحاسيس هو شخصيا عاشها في مرحلة ما في حياته ولو موقف عابر، لو مثلا حب يوصف إحساس الشخصية بالخنقة يستحضر إحساسه لما كان مخنوق بسبب موقف معين ولو كان مختلف تماما، نفس الحكاية بالنسبة للمشاعر الإيجابية والسلبية، زي الاشتياق والحسرة والحب والغيرة وعدم الأمان وقلة الثقة بالنفس والإحباط والايمان، ده غير المشاعر المختلطة اللي أكيد عدت علينا كلنا، ده بيخلي الكتابة أسهل واكتر تأثير، إن الكاتب يستخدم كل حاجة يقدر يستخدمها من واقع خبرته هو وتجاربه، يستنفذ خلاصة أحاسيسه...