مبعتمدش انتماءات
و أي حد منتمي لجماعة أو فصيل أو عامل نفسه بيدافع عن قضية و يتحمق لها أوي هو حد عبيط !
و شئت أم أبيت هتنحرف عن المسار
عشان أي فكرة ليها شقين
شق سوي و شق منحرف
و انت هتبدأ بالعقل و تدافع عن الشق السوي
لكن لما يظهرلك معارضة غصب عنك هتروح للشق المنحرف عشان تثبت ان قضيتك تستاهل و مهمة و بتاع
هتقوللي لأ انا أقوى من الإنحراف !
هقولك الانتماء في حد ذاته دلالة ضعف نفسي أساساً
و الناس اللي بتختار ده بتختاره عشان تحس انها مجموعة فصعبة الهزيمة
فحقيقة ثابتة انك لا قوي ولا نيلة
————-
كلامي شامل الانتماء للجماعات الدينية
الانتماء للجماعات الذكورية و النسوية
الانتماء للأحزاب السياسية و الفكرية
و الانتماءات العرقية
اللهم الا
الانتماء للجماعة في وقت مثلاً ما تكون بتتعالج من الادمان و بتحضر
Group therapy
الا ان ده كمان يكون لوقت معين و بعدها تبدأ تدورلك على دواير اجتماعية مختلفة
لازم !!!!!!
و الانتماء لأسرتك أثناء عملية النمو الا ان ده كمان لازم تضع له حد عشان تتم عملية النضج
لازم !!!!!!
عشان تحافظ على نفسك و تكون سوي.