مالها كبد. الفلاح يعني !

كافيه سكندري جميل اسمه تياترو ..اول مرة ادخله .. .مش زحمه .... لكن الديكور جميل .. الصور المعلقه جميله ... أسعاره مش جميله ... لكن فعلا .. المكان لما بيكون جميل .. بيخلي الوقت الجميل ... اجمل

انا فاكر مرة ...من كذا سنه رحت كافيه في المنيا .. صاحبه مصممه من القش و جذوع الشجر ... انا قلت ايه جو الغيطان ده ... ، بس لما قعدت فيه ... كان جميل فعلا ... و مريح نفسيا ... الفارق أن الزبائن مكانوش عاطفيين ..و دي نقطه ممكن نتجاوزها جزئيا...

... بعد تجربة شيل فيشه اللاب يا استاذ ..عشان بنسحب كهربا .. و اللي كتبت عنها قبل كده ... و اللي كانت في قهوه بلدي في بحري .... كانت اخر تجربه من فتره بسيطه جدا ... في اسكندرية .بردو.. محل سندوتشات مشهور جدا ... مكان مميز جدا .. دخلت ... طلبت اوردر و دفعت .. طلعت الدور اللي فوق ... مفيش مخلوق قاعد ...التكييف بايظ ... و الدخان مالي صالة الطعام... نزلت استفسر ..... الراجل بكل بساطه قالي : . مالك يا باشا ... مكبر الموضوع ليه كده ... دي ماسورة فرن المطبخ مسربه علي صالة الطعام .. عادي يعني ... بقولك ايه .. اجيبلك كرسي تعد مع زمايلك علي الباب... ... لغيت الاوردر ... و طلعت اجري من نفس الباب اللي كان ناوي يقعدني جمبه .. ...

طب مالها كبد. الفلاح يعني .. ،؟