لو مهما حصل لك

لو مهما حصل لك

اوعى تضيع منك

فرحتك يا ابني

شَمَّر يلا وابني

وسيب في الدُّنيا ذِكرى

يعرفوك بيها بكرا

لمّا تكون غايب

واِبعد عن العايب

دا صُحبته شرّ

ورافق الصدق يوصلك للبرّ

لو مهما حصل لك

اوعى تسيب ضلّك

في مكان ما يشبهوش

اجري عليه وحُوش

لا تفاخر بالوحوش

دا طبعهم بيرحموش

لو مهما حصل لك

اوعى تدّي سِرّك

لحد ما تعرفوش

حافظ على قلبك

وادعي ربّك

إنك ما تفقدهوش

اِحساسك يا ولدي

يمكن يكون اِنذار

بس أنت ما تفهموش

لو مهما حصل لك

اِرفع يا واد راسك

علّي كعبك ومداسك

اوعاك يا واد تطاطي

خلّيها قاعدة عندك

كرامتي قَصاد حياتي

ولا يهمك اللي ما يعجبوش

لو مهما حصل لك

ربّك ما تسيبوش

خلّي قرآنك ساقي قلبك

داوم يا واد عليه ولا تهجروش

لو مهما حصل لك

اوعاك تضيّع ذِكرك.